ป่นกบเด้อ กินนำกันครับผม
รายละเอียด
ย่างไปตลาดเห็นบักเขือขื่น คึดอยากป่นกบซั่นแล้วพี่น้อง ว่าแล้วกะได้มาโตนึง กับบักเขือขื่นกองละ 10 บาทมาฮอดห้อง กะเอากบเผาสาก่อน เผาพอหนังตึงๆ
ยามต้มป่นสิได้เปื่อยง่าย มีกลิ่นหอมอ่อนๆนำ
เผาแล้วกะผ่าท้อง เอาพุงออก ล้างให้สะอาด แล้วพักไว้ก่อน
จากนั้นเอาหม้อใส่น้ำ หยอดเกลือ น้ำปลาแดก นิดนึง
ค้างไฟให้เดือด แล้วจั่งเอากบใส่ลงไป
ต้มเปื่อยแล้ว ตักออกมาพักให้เย็นครับ แล้วจั่งแกะเนื้อกบใส่ครก
พร้อมกับจี่บักพริกดิบ หอมแดง
จากนั้นกะตำให้แหลก แล้วจั่งใส่น้ำต้มป่น ผงนัว คนให้เข้ากันแล้วซิมเบิ่ง
ถ้าจืดไปกะหยอดน้ำปลาลงอีก
น้ำต้มป่นครับ
แซบแล้ว กะตักใส่ถ้วย หาพาข้าวออก กินกับบักเขือขื่น หรือเขือเปราะกะแซบ
แนวกินตื่มกะมี ปิ้งหมู กับทอดซิ้นหลอด
ตบท้ายด้วยบักเงาะหวานๆ
มาเด้อ กินข้างงายนำกันครับผม
เล็กๆน้อยๆ จากทีมงาน ขอบคุณบ้านมหาครับผม
ไม่มีความคิดเห็น:
แสดงความคิดเห็น